چالاکییەکانی کۆلێج





وۆركشۆپەكانی ناوەندی گەشەپێدان بۆ كار (CDC) دەستی بەكارەكانی كرد

posted May 7, 2017, 11:16 AM by media tca   [ updated May 7, 2017, 11:18 AM ]



بە ئامانجی زیاتر شارەزابوونی خوێندكارانی زانكۆ بۆ چۆنیەتی نوسینی سی ڤی و پەیوەندیكردنیان بە دەزگاكانی كەرتی تایبەتەوە ناوەندی گەشەپێدان بۆ كار، (CDC) بە هاوكاری نوسینگەی جێگری سەرۆكی حكومەت و رێكخراوی فۆرس وۆركشۆپێكیان رێكخست.

وۆركشۆپەكە ئەمڕۆ لە كاتژمێر 11ی سەر لە بەیانی لە هۆڵی سیمیناری كەمپی كۆلێجە تەكنیكییەكانی زانكۆی پۆلیتەكنیك دەستی پێكرد، واش بڕیارە نزیكەی هەفتەیەك بەردەوامی هەبێت كە تایبەتە بە خوێندكارانی قۆناغی سێیەمی بەشەكانی زانكۆ، تا بتوانن لە مەشقی هاوینەیاندا سوودی لێببینن و پاشان دوای دەرچوونیان لە زانكۆ وەك ئەزمونێكی گەورە سوود لە زانیارییەكانی نێو وۆركشۆپەكە وەربگرن.

هەژان كەمال شاڵی راهێنەری پیشەی لە ناوەندی گەشەپێدان بۆ كار، باسی لەوەكرد ئامانج لەو ۆركشۆپانە نزیككردنەوەی خوێندكارانە لە كەرتی تایبەت و چۆنیەتی خۆ پێگەیاندنیان لەو بوارەی كە چەند ساڵە لە زانكۆ بۆی دەخوێنن.

وتیشی " لە وۆركشۆپەكاندا بە وردی باس لە رەوشتی كاركردن و ئەتەكێت و چۆنیەتی نوسینی سی ڤی، لەگەڵ بەهێزكردنی توانای خوێندكارەكان دەكەین بۆ چۆنیەتی خۆ ئامادەكردنیان بۆ رۆژی چاوپێكەوتن بەمەبەستی بەدەستهێنانی كار".

لە رۆژی یەكەمدا خوێندكارانی قۆناغی سێیەمی بەشی تەكنیكی میدیا بەشداربوون و بڕیارە رۆژانی دواتر خوێندكارانی بەشەكانی دیكە تێیدا بەشدار بن.

وەك رێكخەرانی وۆركشۆپەكە هێمایان بۆ دەكرد، مەبەستیانە لەو ماوەی بۆیان دانراوە بەرچاو روونی و شارەزایی تەواو بە خوێندكاران بدەن، هەروەك دەشیانەوێت ببنە پردێك بۆ پەیوەندی نێوان دەرچوانی زانكۆ و كەرتی تایبەت تا هەردوولایان بتوانن سوود لە یەكتری وەربگرن.

ناوەندی گەشەپێدان بۆ كار (CDC)لە زانكۆی پۆلیتەكنیكی سلێمانی ماوەی دوو ساڵە دامەزراوەو ناوەندێكە خوێندكاران و دەرچووانی زانكۆ تێیدا گەشە دەدەن بە شارەزایی و تواناكانیان بۆ كار. 

- هۆبەی راگەیاندن و چالاكییە گشتییەكانی كەمپی كۆلێجە تەكنیكییەكان









وۆرکشۆپی تایبەت بە بەرزکردنەوەی رانکی زانکۆ و بەکارهێنانی google scholar

posted Apr 26, 2017, 5:08 AM by media tca   [ updated Apr 26, 2017, 11:00 AM ]


دوێنێ ٢٥-٤-٢٠١٧ لە هۆڵی سیمیناری کۆلێجی تەکنیکی کارگێڕی زانکۆی پۆلیتەکنیکی سلێمانی، کەمپی کۆلێجە تەکنیکییەکانی زانکۆی پۆلیتەکنیکی سلێمانی، دوو وۆركشۆپ ئەنجام درا، وۆركشۆپی یەکەمیان لەلایەن مامۆستا ئاودێر محەمەد ئەحمەدەوە ئەنجامدرا کە تایبەت بوو بە چۆنێتی درووستكردن و كارپێكردنی google scholar.

هەروەها وۆرکشۆپی دووەمیان لەلایەن مامۆستا داركۆ محەمەد جەزاوە ئەنجامدرا کە تایبەت بوو بە كارەكانی ڕانكی نیشتیمانی و ڕێگاكانی بەرز كردنەوەی ڕانكی زانكۆمان.









‎ رێكخراوی یو ئێن دی پی جیهانی سیمینارێكی تایبەت بە وزە رێكخست

posted Apr 24, 2017, 7:49 AM by media tca   [ updated Apr 24, 2017, 7:50 AM ]


لە هۆڵی سیمیناری كەمپی كۆلێجە تەكنیكییەكانی زانكۆی پۆلیتەكنیك لەلایەن رێكخراوی (UNDP) یەوە سیمینارێك دەربارەی بەرنامەی گەشەپێدانی ناوچە خۆجێیەكان پێشكەشكرا كە تایبەت بوو بە روونكردنەوەی چۆنیەتی بەشداریكردن لە پێشبڕكێی خوێندكاران بۆ داڕشتنی پرۆژەی داهێنانی وزەی بەردەوام بۆ ساڵی 2017.

سیمینارەكە لە كاتژمێر 2ی پاشنێوەڕۆ بە ئامادەبوونی ژمارەیەك لە خوێندكارانی بەشە جیاجیاكانی زانكۆی پۆلیتەكنیك بەڕێوەچوو كە نزیكەی دوو كاتژمێری خایاند، سیمینارەكەش بەشێوەی گفتوگۆی بەردەوام لە نێوان رێكخەران و خوێندكارانی ئامادەبوو بەڕێوەچوو، ئەوەش وایكرد تایبەتمەندییەكی جیاواز بە سیمینارەكە ببەخشێت.

یەكێتی ئەوروپا و بەرنامەی گەشەپێدانی ناوچە خۆجێییەكان پێشبڕكێی داهێنانی وزەی بەردەوامی راگەیاندووە، لە هەرێمی كوردستان و فێرخوازانی زانكۆ بانگێشت دەكات تا پرۆژەی نوێ پێشكەش بكەن بۆ كەمكردنەوەی دەرچوونی گازی دوانە ئۆكسیدی كاربۆن و گازی گەرمی قەتیسبوو، كە سوودی ئابووری و كاریگەری ئەرێنی لەسەر ژینگە هەیە.

لە سیمینارەكەدا خوێندكاران ئاشناكران بە چۆنیەتی پێشكەشكردن پرۆژەكانیان بۆ پێشبڕكێكە كە كۆتا كات بۆ پێشكەشكردنی پرۆژەكانیان رێكەوتی 31ی مانگی 5ی ئەمساڵە، رێكخەرانی سیمینارەكەش ئامادەیی هەموو هاوكارییەكیان بۆ خوێندكاران راگەیاندن تا بتوانن بە پرۆژەی گرنگەوە بەشداری ئەو پێشبڕكێ گرنگە بكەن.

- هۆبەی راگەیاندن و چالاكییە گشتییەكانی كەمپی كۆلێجە تەكنییەكانی زانكۆی پۆلیتەكنیك.






سیمینارێك دەربارەی هونەرەكانی دەربڕین بەڕێوەچوو

posted Apr 24, 2017, 7:43 AM by media tca   [ updated Apr 24, 2017, 7:54 AM ]



ئەمڕۆ دوو شەمە لە هۆڵی سیمیناری كەمپی كۆلێجە تەكنیكییەكانی زانكۆی پۆلیتەكنیك لەلایەن خوێندكارێكی بەشی تەكنیكی كارگێرییەوە سیمینارێك دەربارەی نهێنییەكانی هونەری دەربڕین بەڕێوەچوو.

سیمینارەكە لە كاتژمێر 12ی پاش نیوەڕۆ دەستی پێكردوو تێدا ژمارەیەكی بەرچاو لە خوێندكارانی قۆناغی یەكەم و دووەمی بەشی تەكنیكی كارگێڕی و هەندێك لە مامۆستایانی بەشەكە ئامادەی بوون.

بابەتەكانی نێو سیمینارەكە لەلایەن دكتۆر زانا ئەحمەدەوە ئامادەكرابوو، خوێندكار نیگا یونس خوێندكاری قۆناغی دووەمی بەشی تەكنیكی كارگێڕی هەستا بە پێشكەشكردنی.

پێشكەشكاری سیمینارەكە لەماوەی كاتژمێرێكدا تیشكی خستە سەر شێوازو سیفات و چۆنیەتی ئەو راهێنانەی كە بۆ وتاردان گرنگە، پاشان بەشێك لە خوێندكاران بە سەرنجەكانیان لەسەر ناوەڕۆكی نێو بابەتەكە بەشدارییان لە بەڕێوەچوونی سیمینارەكەدا كرد.

- هۆبەی راگەیاندن و چالاكییە گشتییەكانی كەمپی كۆلێجە تەكنییەكانی زانكۆی پۆلیتەكنیك.








1-4 of 4